Каракол шаардык мэриясынын аппаратынын жетекчиси Рыскул Сагымбаевдин айтымында, көмүр Кара-Кече кенинен келип жатат.
«Шаар жетекчилигинин тапшырмасы боюнча биз көмүрдү жеткирүүнү баштадык. Азыркы учурда биринчи партиялар келип түштү. Ар бир үй-бүлө 6 миң 800 сом баада бир тонна көмүр сатып ала алат. Кечээ шаарга көмүр менен биринчи машина келди, анын артынан дагы бир нече машина келе жатат. Учурда 10 машина Кара-Кечеде көмүр жүктөп жатат. Биз калкты жеткиликтүү көмүр менен камсыздоо боюнча иш-чараларды уланта беребиз», — деди ал.
Көмүр шаардагы көмүр базарында сатып алууга жеткиликтүү.
