Кээ бир жерлерде кардын бийиктиги 40 смден ашып кетти.
Муниципалдык кызматтар карды тазалоо менен активдүү алектенишүүдө.
«Кар түшүү кечээ кечинде башталды, биздин техника 17:00дө иштей баштады, ошол учурда 6 бирдик колдонулду. Азыр аларга дагы 3 жеке техника кошуп жатабыз, бардыгы 9 болот. Биз негизги жолдорду, ошондой эле борбордогу тротуарларды тазалап жатабыз. Негизги көчөлөр тазаланып жаткандыгына карабастан, кар дагы эле жаап жатат жана кайра топтолууда», - деди Караколдун «Жол чарбасы» муниципалдык ишканасынын жетекчиси Бакыт Барктабасов.
Анын айтымында, кышкы сезонго 1000 тонна кум жана туз аралашмасы даярдалган, бул бардык сезонго жетиштүү.
«Тазалык» ишканасынын жетекчиси Бердибек Мамбеталиев 6:00дөн баштап 40 дворник шаар боюнча аялдамаларды тазалоо менен алектенишээрин кошумчалады.
