Шаар мэри Алтынбек Эргешовдун буйругуна ылайык, шаардагы жылуулук тармактары 2025-жылдын 5-ноябрынан баштап иштей баштайт.
Муниципалдык бийлик органдары бардык зарыл даярдык иштери ийгиликтүү аяктаганын билдиришти. Коммуналдык кызматтар шаар тургундарына туруктуу жана үзгүлтүксүз жылуулук камсыз кылууга даяр. Бардык зарыл техникалык текшерүүлөр жана профилактикалык иштер жүргүзүлүп, жабдуулардын жана кызматкерлердин даярдыгы бааланган.
Бардык жооптуу кызматтар жарандардын суроолоруна ыкчам жооп берүү жана жылуулук системасынын ишенимдүү иштешин камсыз кылуу үчүн көрсөтмөлөрдү алышты.
