Экология кызматкерлеринин маалыматына ылайык, 2025-жылдын 27-октябры күнү Сасык-Булак жайлоосунда мыйзамсыз кеклик атуучу адамдар кармалган.
Жосун бузгучтарга эки административдик протокол түзүлүп, 25 миң сом өлчөмүндө айып пул салынды. Ошондой эле, табиятка келтирилген зыян үчүн 14 миң сомдук доо арызы берилди. Ошентип, жалпы төлөмдөр 39 миң сомду түзүп, толук төлөндү.
Бул рейд табигый ресурстарды жана жапайы жаныбарларды коргоо боюнча иш-чаралардын алкагында өткөрүлдү. Бийлик браконьерликке каршы күрөштү туруктуу негизде улантууну пландап жатканын билдирди.
