28-октябрда Манас районунда, Семетей айылында, мыйзамсыз кум-таш аралашмасын казып алуу фактысы катталды. М. Э. Б.га Кыргыз Республикасынын Административдик кодексинин 243-беренесинин 4-бөлүгү боюнча протокол түзүлүп, 13 миң сом өлчөмүндө айып пул салынды.
Мындан тышкары, 26-октябрда Бакай-Ата районунда жайгашкан Кумуштак өрөөнүндө рейд учурунда инспекторлор жаратылышты коргоо бөлүмүнүн кызматкерлери менен биргеликте мыйзамсыз балык кармоо фактын аныкташты. К. А. Т.га Кыргыз Республикасынын Административдик кодексинин 261-беренесинин 1-бөлүгү боюнча 10 миң сом өлчөмүндө айып пул салынды.
Министрликтен белгилешкендей, пайдалы казындыларды мыйзамсыз казып алуу, браконьерлик жана башка экологиялык мыйзам бузуулар үчүн мыйзам боюнча жоопкерчилик каралган, жарандарды жаратылышты коргоо талаптарын сактоого чакырышты.
