Бузуучу үчүн 13 миң сом өлчөмүндө айып пул белгиленди
Кыргыз Республикасынын Табигый ресурстар, экология жана техникалык көзөмөл министрлиги берген маалыматка ылайык, Талас облусунда мыйзамсыз казып алуу фактысы катталды.
28-октябрда, Манас районунун Семетей айылында жүргүзүлгөн текшерүүнүн натыйжасында, ведомствонун кызматкерлери кум-таш аралашмасын мыйзамсыз казып алуу фактын аныкташты. М.Э.Б. баш тамгасы менен белгиленген жаранга Кыргыз Республикасынын укук бузуулар кодексинин 243-беренесинин 4-бөлүмү боюнча протокол түзүлүп, 13 000 сом өлчөмүндө айып пул белгиленди.
Министрликтин сүрөтү
