Текшерүүнүн жыйынтыктары курулуш иштеринин сапатын баалоого жардам берет
Ош шаарында, Шамшиева көчөсүндө, 1-үйдө, Кыргызстандын Курулуш, архитектура жана турак-жай-коммуналдык чарба министрлигине караштуу Республикалык курулушта сертификаттоо борборунун Түштүк регионалдык башкармалыгынын адистери 16-17 кабаттуу имараттардын монолиттүү темир-бетон конструкцияларынын бекемдигин текшеришти.
КРнын Минстройунун маалыматына ылайык, текшерүүнүн негизги максаты конструкциянын фактический бекемдигин аныктоо жана долбоордук маалыматтар менен салыштыруу болду. Алынган жыйынтыктар курулуш иштеринин сапатын баалоого жана техникалык стандарттарга ылайык келүүсүн тастыктоого мүмкүндүк берет.
«КРнын Курулуш министрлиги курулуштун сапатын системалуу көзөмөлдөп, имараттардын ишенимдүүлүгүн жана коопсуздугун камсыз кылууну улантууда», - деп билдиришти ведомствонун маалымат кызматынан.
Минстройдун сүрөтү
