Ал учурдагы сезондо пахта үчүн 2 миң 597 гектар жер бөлүнгөнүн, бул өткөн жылга караганда 1 миң 230 гектарга аз экенин белгиледи.
«Учурда райондун фермерлери пахтаны экинчи жолу жыйноону аяктоодо. Орто эсеп менен түшүм 1 гектардан 35 центнерди түзүп, жалпы 7 миң 835 тонна чийки зат алынды. Өткөн жылы пахта 3 миң 827 гектарды ээлеген, ал учурда түшүм 33,6 центнерди түзүп, жалпы жыйым 12 миң 859 тонна болгон. Демек, себүү аянтынын кыскарганына карабастан, түшүмдүүлүктүн өсүшү байкалууда. Мындан тышкары, быйыл баалар жогорулады: эгер 2024-жылы 1 кг пахта 57–60 сом болсо, азыркы баа 70тен 73 сомго чейин өзгөрүүдө», - деп жыйынтыктады Муратбек Жунусов.
Ал ошондой эле райондо жергиликтүү тургундардан пахта чийки затын кабыл алчу эки завод иштеп жатканын билдирди.
Ноокен районундагы жалпы себүү аянты 20 миң 474,83 гектарды түзөт. Бул жылы анын ичинен 4 миң 677 гектар кукурузга, 2 миң 597 гектар пахтага, 3 миң 248 гектар жашылча-жемиштерге, 4 миң 586,83 гектар люцернага, 1 миң 671 гектар бакча өсүмдүктөрүнө, 527 гектар күрүчкө жана 133 гектар картошкага бөлүнгөн.
