Бул маалыматты региондун Өзгөчө кырдаалдар министрлигинин башкармалыгы берди.
Кирген маалыматтарга ылайык, бүгүн адистер кооптуу болушу мүмкүн болгон жерлерге чыгып, алардын текшерүүсүн жүргүзүштү.
«Өзгөчө кырдаалдар министрлигинин адистери жана Дүйнөлүк банк өкүлдөрү Көкчө-Көз жана Базар-Коргон районундагы объектилерде, ошондой эле Сузак районундагы селдердин жогору тобокелдиги бар участкаларда болушту. Алар кырдаалды баалап, техникалык аспектилерди, техникалык-экономикалык негиздемени жана долбоордук документацияны даярдоого байланыштуу маселелерди талкуулашты», — деп айтылат билдирүүдө.
Бул долбоордун алкагында селдер жана суу ташкындарына дуушар болгон 21 участок реконструкцияланат. Бул 4 000ден ашык үй-бүлөнү жана 5 500 гектардан ашык айыл чарба жерлерин селдер жана суу ташкындарына байланыштуу коркунучтардан коргойт деп күтүлүүдө», — деп кошумчалашты башкармалыктан.
