Кечээ КРдин транспорт министри К.Султанов Кытайдын Экспорт-Импорт банкынын делегациясы менен, Эксимбанктын жеңилдетилген кредит берүү департаментинин программалык координатору Чжан Ли баштаган делегация менен жолугушту. Жолугушуунун жүрүшүндө тараптар Альтернативдүү Түндүк-Жыгар автожолунун экинчи фазасын каржылоо маселелерин талкуулашты. Жолугушууда КРдин транспорт жана байланыш министри К.Султанов Кытайдын Экспорт-Импорт банкы бүгүнкү күндө Кыргызстандагы жол-транспорт тармагын өнүктүрүүдө жетекчи роль ойнойт деп белгиледи. Бүгүнкү күндө биз жалпы суммасы 805 млн. долларды түзгөн долбоорлорду ишке ашырдык жана ишке ашыруудабыз. Эксимбанктын колдоосу аркылуу Ош-Сарыташ-Иркештам автожолун жана Бишкек-Нарын-Торугарт автожолунун бөлүгүн реконструкциялоону аяктадык. Учурда Түндүк-Жыгар жана Ош-Баткен-Исфана автожолдорун куруу долбоорлору ишке ашырылууда.
Андан ары КРдин транспорт министри К.Султанов Түндүк-Жыгар жолунун биринчи фазасын курууга Эксимбанк тарабынан 400 млн. доллар бөлүнгөндүгүн баса белгиледи. Бул долбоор биздин өлкө үчүн да, регион үчүн да өзгөчө маанилүү, келечекте региондор аралык байланыштарды жакшыртууну камсыздайт. Курулуш иштери 2014-жылдын жазында башталган. Альтернативдүү автожолунун экинчи фазасынын каржылоо маселеси боюнча принципиалдык келишим бар, бирок тиешелүү документтерди макулдашуу жана кол коюу маселелери калды. Биздин өлкөлөрдүн регионалдык транспорттук маршруттарды өнүктүрүү боюнча узак мөөнөттүү жана жемиштүү кызматташтыгын эске алганда, Түндүк-Жыгар альтернативдүү жолунун курулушу улантылат деп үмүттөнөбүз, деди К.Султанов.
Кытайдын Экспорт-Импорт банкынын делегациясынын башчысы, Эксимбанктын жеңилдетилген кредит берүү департаментинин программалык координатору Чжан Ли жолугушууда Түндүк-Жыгар альтернативдүү жолунун экинчи фазасын каржылоо пландары боюнча маалымат берди, ал өкмөттөр ортосунда кол коюлган Рамочный келишимге ылайык жүргүзүлөт, ошондой эле гранттык элементти шайкеш келтирүү максатында доллар жана юань келишимдери боюнча. Кытайдын Экспорт-Импорт банкы экинчи фазанын каржылоосун ачуу боюнча тиешелүү документтерди тез арада кол коюу үчүн бардык чараларды көрөт.
Альтернативдүү автожолунун «Түндүк-Жыгар» курулуш долбоору боюнча маалымат
Учурда Бишкек-Ош автожолу өлкөнүн түндүгү менен түштүгүн үзгүлтүксүз байланыштырган жалгыз маршрут болуп эсептелет. КРдин Президентинин альтернативдүү Түндүк-Жыгар автожолун куруу боюнча тапшырмасын аткаруу максатында, өлкөнүн автотранспорттук байланыштарын жана коопсуздугун камсыздоо үчүн министрлик долбоордун ТЭОсун даярдоону аяктады, узундугу 433 км. Долбоордун жалпы баасы 850,0 млн. долларды түзөт. Жолду II техникалык категориянын параметрлери боюнча куруу жана үч этапта ишке ашыруу чечими кабыл алынды:
Фаза I
Фаза 1 Долбоорунун донору катары 400 млн. доллар суммасында Кытайдын Экспорт-Импорт банкы чыгып, Кытай өкмөтү тарабынан ШОС катышуучу өлкөлөр үчүн объектилерди жеңилдетилген каржылоо боюнча тартылган. Узундугу 154 км болгон маршрут Кызыл-Жылдыз айылы – Арал айылы (км 183-195) жана Казарман – Жалал-Абад шаары (км 291 - 433) боюнча өтөт. Бул участокто 3,7 км узундуктагы тоннел куруу каралган. Курулуш иштери 2014-жылдын жазында башталган.
Фаза-III
Убакытында ишке ашыруу максатында министрлик АБР, ИБР, ЕАБР жана АКГ менен Фаза 3 долбоорун ишке ашыруу боюнча бир катар жолугушууларды жана сүйлөшүүлөрдү өткөрдү, узундугу 183 км болгон маршрут Балыкчы шаарынан Кызыл-Жылдыз айлына (км 0-183) чейин өтөт.
0-43 км жана 64-159 км участоктору. АБР Арал-Кочкор участокторун реабилитациялоо үчүн 100,0 млн. доллар гранттык компонент менен 45% чейин бөлүүгө мүмкүнчүлүк бар. Учурда АБР долбоордун көлөмүн жана тиешелүү каржылоону аныктоо үчүн Техникалык жардам көрсөтүүдө.
159-183 км участок. АКГ КРдин каржы министрлигинин суроолоруна жооп берип, 159-183 км участокту каржылоого кызыгуусун билдирди.
Фаза II
Азыркы убакта Фаза-2 долбоорунун каржылоосу боюнча маселелер чечилбей калды, Арал айылынан Жумгал районунун Казарман айылына чейинки участок, узундугу 96 км, 298,8 млн. доллар суммасында, экинчи тоннел 800 метр узундукта.
Фаза II Долбоорунун донору катары Кытайдын Экспорт-Импорт банкы чыгып, Кытай өкмөтү тарабынан ШОС катышуучу өлкөлөр үчүн объектилерди жеңилдетилген каржылоо боюнча тартылган.
Долбоордун кыскача сүрөттөлүшү
Жалпы узундук - 96 км;
32 км бар жолду реконструкциялоо;
64 км жаңы жол куруу.
800 метр узундуктагы тоннел;
7 көпүрө куруу;
II техникалык категория;
Асфальттын туурасы 9 метр жана жоондугу 15 см;
Жолдун жалпы туурасы 15м;
Осько жүктөм 11.5 тонна.
Курулуш мөөнөтү: 56 ай.
КРдин МТиКнын пресс-кызматы
