Шаардык милициянын басма сөз кызматынын маалыматына ылайык, башкармалыктын начальниги, милиция полковниги Дамирбек Исаков, унааларды бөлүмдөргө тапшырды. Алар борбордук аппаратына, Сулайман-Тоо жана Ак-Буурага бөлүштүрүлдү.
Милиция полковниги Д. Исаков кызматкерлерди жаңы унааларга жоопкерчилик менен мамиле кылууга, зарыл документтерди унутпоого жана жол эрежелерин катуу сактоого чакырды.
Ошол эле күнү, кыргыз милициясынын 101 жылдыгына байланыштуу, бир нече кызматкер Ички иштер министрлигинен, Ош шаардык башкармалыгынан жана башка мекемелерден үлгүлүү кызматтары жана кесиптик ишмердүүлүктөгү жетишкендиктери үчүн ыраазычылык каттарын жана сыйлыктарды алышты.
