Ош шаардык мэриясынан алынган маалыматка ылайык, жаңы объектти куруу үчүн 18,5 миң квадрат метр жер бөлүнгөн, ошондой эле шаардык бюджеттен 10 миллион сом каралган. Үч кабаттуу имарат толугу менен керектүү мебель, техника жана компьютердик жабдуулар менен камсыздалган, бул милиция кызматкерлеринин ишин натыйжалуу жүргүзүүсүнө мүмкүнчүлүк берет.
Мындан тышкары, президент милицияга кызматтык унаа белекке берди.
Иш-чарада Ош шаарынын мэри Жеңишбек Токторбаев укук коргоо органдарынын кызматкерлерин кесиптик майрамы менен куттуктап, жеке каражатынан жаңы имаратка 13 кондиционер орнотууга финансылык жардам көрсөтө турганын билдирди.
