Токмок
Токмокто майрамдык иш-чара Насирдин Байтемиров атындагы маданият сарайында өттү. Шаардын мэри Алтынбек Эргешов милиция кызматкерлерин кесиптик майрамы менен куттуктап, коопсуздук жана тартипти камсыз кылуу боюнча кызматтары үчүн ыраазычылык билдирди.
Ошондой эле куттуктоолор менен прокурорлор жана шаардык кеңештин төрагасы чыгып, кызматта ийгиликтерди каалашты. Салтанаттуу иш-чаранын жүрүшүндө өз ишинде өзгөчөлөнгөндөргө ардак грамоталар жана белектер тапшырылды.
Шаардык ички иштер бөлүмүнүн начальниги Азамат Имангазиевге ысымдуу саат тапшырылды. Токмок мэриясынан ардак грамоталарды алгандар:
- Султан Чыныбаев — криминалистикалык бөлүмдүн оперативдик кызматкери;
- Эркинбек Нурбеков — криминалистикалык бөлүмдүн оперативдик кызматкери;
- Нурланбек Жумабаев — криминалистикалык бөлүмдүн оперативдик кызматкери;
- Атай Кубанычбеков — Токмок шаардык коргоо бөлүмүнүн милиционери.
Сокулук район
Сокулук РОВДсында 1-ноябрда кыргыз милициясынын 101 жылдыгына арналган жыйын өттү. Иш-чарага район акими Илияз Ташкулов, ар кандай ведомстволордун жетекчилери жана айыл өкмөттөрдүн башчылары катышты.
Аким милиция кызматкерлерине ишине берилгендиги жана коомдун коопсуздугуна кошкон салымы үчүн ыраазычылык билдирип, өзүн мыкты көрсөтүп келгендерге сыйлыктар жана эстелик белектер тапшырды.
Аламедин район
Аламедин районунда милиция күнүнө арналган иш-чаралар аким Азамат Эргешов жана райондук ички иштер бөлүмүнүн кызматкерлеринин катышуусунда өттү.
Кызматтык милдеттерин мыкты аткарганы үчүн милиция кызматкерлерине ардак грамоталар жана ысымдуу сааттар тапшырылды, ошондой эле ар кандай мекемелердин жетекчилеринен ыраазычылык каттары жана белектер алынды. Иш-чара райондук маданият бөлүмү тарабынан даярдалган концерттик программа менен аяктады.
Кант
Кант шаарындагы маданият үйүндө 300гө жакын адам катышкан иш-чара өттү. Он милиция кызматкери өзүнүн жоопкерчиликтүү кызматтары үчүн ардак грамоталар менен сыйланды.
Кыргыз милициясынын 101 жылдыгына арналган ушундай иш-чаралар Чүй облусунун бардык райондорунда жана шаарларында өткөрүлдү.
