Иш-чара Баткендин баатырларына арналган эстеликке гүл коюу менен башталып, Ш. Термечиков атындагы драма жана сатира театрында улантылды.
Иш-чарада катышкандар арасында: Кыргыз Республикасынын Куралдуу Күчтөрүнүн Башкы штабынын начальниги, Коргоо министринин биринчи орун басары полковник Тариэль Отонбаев, ошол окуялардын катышуучулары, ошондой эле Коргоо министрлигинин жана Башкы штабдын аскер кызматкерлери болду.
Полковник Отонбаев өз сөзүндө, быйыл Баткенде жана Чоң-Алайда террордук топторду жок кылуу операциясынын ийгиликтүү аяктаганына 25 жыл толорун белгиледи. Ал аскер кызматкерлеринин гана эмес, ошондой эле мекенге берилгендигин, куралдуу кагылышууда курман болгон 54 аскер кызматкерин эскерип, баса белгиледи.
Иш-чаранын жүрүшүндө Баткен окуяларынын катышуучуларына жана алардын үй-бүлөлөрүнө ыраазычылык сөздөрү айтылып, ардак грамоталар тапшырылды, ошондой эле курман болгон аскер кызматкерлеринин үй-бүлөлөрүнө финансылык жардам көрсөтүлдү.
Салтанат концерттик программа менен аяктады, аны Армиянын Борбордук үйүнүн чыгармачылык топтору, Гала театры жана шаардагы балдар ансамблдери даярдашты.
