Маданият министрлигинин маалымат кызматынын маалыматына ылайык, иш-чарага маданият, маалымат жана жаштар саясаты министринин биринчи орун басары Союзбек Надырбеков, ошондой эле маданият тармагынын өкүлдөрү, илимпоздор жана коомдук ишмерлер катышты.
Надырбеков бул жыйнак улуу композитордун жашоосу жана чыгармачылыгы тууралуу баалуу маалыматтарды камтыйт жана келечек муундар үчүн маанилүү маданий мурас болуп эсептелинет деп белгиледи. Энциклопедияны филология илимдеринин кандидаты Аттокур Джапанов даярдаган.
Атай Огонбаевдин юбилейине байланыштуу быйыл көптөгөн иш-чаралар пландалууда, анын ичинде Т. Сатылганов атындагы Улуттук филармонияда чоң концерт. Ошондой эле композитор тууралуу документалдык жана көркөм фильмдер көрсөтүлүп, консерваторияларда жана искусстволор университеттеринде илимий-практикалык конференциялар өтөт. Эл аралык аренада Берлин, Анкара жана Будапештте концерттер уюштурулат.
