Ал быйылкы жылдын башында Санкт-Петербургдан келген эксперттер менен биргеликте генплан концепциясын иштеп чыгууга жардам берген жапон компаниясы менен келишим түзүлгөнүн белгиледи.
«Дүйшөмбүдөн баштап жаңы генеральный план мэриянын расмий сайтында, ошондой эле «Генплан» порталында жана массалык маалымат каражаттарында коомдук талкууга коюлат. Жарандар өз сунуштарын жана пикирлерин киргизе алышат. Коомдук угуу 24-25-декабрга пландалган», - деп кошумчалады вице-мэр.
Кадыров ошондой эле сентябрдан бери «Генплан» сайты иштеп жатканын, анда 10 миңден ашык жаран анкетага катышып, өз идеяларын билдиргенин айтты.
«Биз сунуштарды талдап чыктык, алардын арасында жашыл зоналар, социалдык объектилер жана жол-транспорт инфраструктурасы эске алынды. Ноябрда талкуулар үчүн аянтчалар уюштурулат. Мурда экосовет жана жол кеңеши өткөн. Биз шаар тургундарынан сунуштарды күтөбүз», - деп жыйынтыктады ал.
