Ал 2024-жылы 102 өнөр жай ишканасы ишке киргизилгенин, учурдагы жылдын 31-августуна карата алардын саны 67ге жеткенин белгиледи.
«Биз бир нече региондордо пилоттук долбоорду баштадык. Учурда жергиликтүү администрациялар үчүн өнүктүрүү программаларын иштеп чыгуу жана киргизүү боюнча окутууларды өткөрүп жатабыз. Ошондой эле 2030-жылга чейин эсептелген эки шаар үчүн мастер-план бекитилди. Биздин негизги максат шаарларды, райондорду жана айылдык аймактарды колдоо», — деп баса белгиледи Маматов.
Мындан тышкары, ал өлкөдө регионалдык өнүктүрүү боюнча комплекстүү программа ишке киргизилип жатканын, анын алкагында мамлекеттик стандарттар, субсидиялар системасы жана «өнүктүрүү бюджети» түзүлөрүн кошумчалады.
Бул программаны ишке ашыруу методологиясы Дүйнөлүк банк тарабынан колдоого алынып, пилоттук региондордо активдүү колдонулуп жатат.
Маматов ошондой эле калктын структурасындагы өзгөрүүлөргө көңүл бурду: эгер мурда шаардык калктын үлүшү 35% чамасында болсо, азыр ал 9% га өстү.
«Жаңы кырдаал өзгөрүп жатат, шаарлар динамикалуу өнүгүүдө, анткени өндүрүш кубаттары ошол жерде топтолгон», — деп кошумчалады ал.
