Жергиликтүү бийликтен алынган маалыматка ылайык, жылуулук шаарга 3-ноябрдан 4-ноябрга караган түнү берилет.
Бул чечим 3-ноябрда абанын температурасынын кескин төмөндөшү күтүлүп жаткандыгына байланыштуу кабыл алынды. Тийиштүү көрсөтмөлөр жооптуу кызматтарга берилди. Жылуулук берүү процесси этап-этабы менен өтөт жана болжол менен үч-төрт күндүн ичинде аяктайт.
Алгач жылуулук медициналык мекемелерге, бала бакчаларга, билим берүү уюмдарына, төрөт үйлөрүнө жана социалдык кызматтарга жөнөтүлөт. Андан кийин жылуулук турак үйлөргө жана шаардагы ишканаларга берилет.
