Мерекеге жергиликтүү бийлик өкүлдөрү, маданият ишмерлери жана шаар тургундары катышты.
Иш-чаранын алкагында артисттерди кесиптик майрамы менен куттукташып, алардын кээ бирлерине Манас шаардык мэриясынан ардак грамоталар тапшырылды.
Мерекенин программасында Жалал-Абад облустук драматургия театрынын артисттери «Белый шатер Нурамана» («Нурамандын ак чатыры») аттуу спектакльди көрсөтүштү.
Мындан тышкары, ар кандай чыгармачыл топтордун катышуусунда чоң концерт өттү, ага Жалал-Абад облустук Токтосун Тыныбеков атындагы филармония, шаардык маданият сарайы, маданият техникуму, М.И. Глинка атындагы Балдар музыкалык мектеби, «Ариет» чыгармачылык борбору жана көркөм мектеп катышты.
