Иш-чаранын алкагында катышуучулар венокторду коюп, Газ айылында ошол трагедиялуу окуяларда алты жоокер менен бирге жоокерлик милдетин аткарып, каза болгон подполковник Сагынбек Бекбалаевдин эстелигинин жанында дуба кылышты.
Жыйында Кочкор районунун аскер комиссары, подполковник Урматбек Осмоналиев сөз сүйлөп, Баткен окуяларынын ардагерлерин куттуктап, аскер комиссариаты жана баткендиктер коомчулугу тарабынан даярдалган сыйлыктарды тапшырды.
Аскер комиссариатынын маалыматы боюнча, учурда Баткен согушунун 101 катышуучусу каттоодо турат, аларга райондук мамлекеттик администрация тарабынан грамота тапшырылган.
