2022-жылдан баштап, Баткен облусундагы билим берүү мекемелери республикалык бюджеттен түздөн-түз Билим берүү министрлигинен каржыланууда.
2025-жылга карата билим берүү уюмдарын көмүр менен камсыз кылуу үчүн республикалык бюджеттен 156,5 миллион сом бөлүнөт, анын ичинде 121,4 миллион сом Баткен облусуна бөлүнгөн.
Учурда билим берүү мекемелерине 103,3 миллион сом бөлүнгөн, анын ичинен 92,4 миллион сом Баткен облусуна арналган.
2025–2026-жылдардагы жылуулук сезонуна даярдык көрүү үчүн Билим берүү министрлиги Баткен облусундагы жылуулук борборлорун оңдоп-түзөө жана калыбына келтирүү үчүн 2025-жылдагы бюджеттен 45,4 миллион сом кошумча бөлдү.
Бүгүнкү күндө өлкө боюнча билим берүү мекемелерине 95 487,19 тонна көмүр жеткирилген жана сакталган, бул жалпы пландын 71,04% ын түзөт.
Министрлик ошондой эле билим берүү мекемелерин күз-кыш мезгилине даярдоо боюнча активдүү иштер жүргүзүлүп жатканын белгиледи.
