Алдын ала маалыматтарга ылайык, 2014-жылдын январь-сентябрь айларында республикалык бюджеттин чыгымдар бөлүгү (арнайы каражаттарды эске албаганда жана мамлекеттик карызды эсепке алганда) 71 млрд. 902,4 млн. сомду түздү, же 78 млрд. 492,9 млн. сомдук пландын 91,6%ын аткарган. Өткөн жылдын ушул мезгилинде республикалык бюджеттин аткарылышы (арнайы каражаттарды эске албаганда) 63 млрд. 775,4 млн. сомду түзгөн. Өткөн жылдын ушул мезгили менен салыштырганда жалпы чыгымдар 8 млрд. 127 млн. сомго, же 12,7%га өскөн. ЖИПтин көлөмүнө карата республикалык бюджеттин жалпы чыгымдары 27%ды түзүп, өткөн жылдын ушул мезгилине карата 0,1 пайыздык пунктка өскөн.
Кыргыз Республикасынын Финансылык министрлигинин Борбордук казначейлигинин Башкы китебинин маалыматы боюнча республикалык бюджеттин ресурстарынын калдыгы (2014-жылдын 1-октябрына карата) 5 млрд. 102,2 млн. сомду түздү (жылдын башындагы бюджеттик каражаттардын калдыктарын эске алганда 2 млрд. 868,3 млн. сом).
Республикалык бюджеттен корголгон чыгымдар боюнча 2014-жылдын январь-сентябрь айларында 50 млрд. 753,7 млн. сом каржыланды, же 52 млрд. 724,2 млн. сомдук пландын 96,3%ын түздү. 2013-жылдын ушул мезгили менен салыштырганда каржылоо 12,5%га же 5 млрд. 642,5 млн. сомго өскөн.
Республикалык бюджеттен корголбогон чыгымдар боюнча 2014-жылдын январь-сентябрь айларында 5 млрд. 533,8 млн. сом каржыланды, же 6 млрд. 218,1 млн. сомдук пландын 89,0%ын түздү. 2013-жылдын ушул мезгили менен салыштырганда каржылоо 259,7 млн. сомго азайган.
Кыргыз Республикасынын республикалык бюджетинин чыгымдары боюнча 2014-жылдын январь-сентябрь айларындагы аткарылышынын аналитикалык таблицасы
Алдын ала маалыматтарга ылайык, 2014-жылдын январь-сентябрь айларында республикалык бюджетке ресурстардын келип түшүшү (арнайы каражаттарды жана ПГИни эске албаганда) 77 млрд. 4,6 млн. сомду түздү, же 116,8% пландан. 2013-жылдын ушул мезгили менен салыштырганда ресурстардын келип түшүшү 18,0%га өскөн, бул акча түрүндө 11 млрд. 755,6 млн. сомду түздү. ЖИПке карата үлүш 28,9%ды түздү, ал эми өткөн жылдын ушул мезгилинде бул көрсөткүч 26,9%ды түзгөн.
Келип түшкөн ресурстар арасында эң чоң үлүштү төмөнкү булактар камсыз кылат:
Мамлекеттик бажы кызматынан - 36,6%,
Мамлекеттик салык кызматынан - 25,7%,
ГКВдан түшкөн кирешелер - 7,9%,
Бюджеттик насыяларды кайтаруу - 2,2%.
2014-жылдын январь-сентябрь айларында республикалык бюджетке келип түшкөн кирешелер (арнайы каражаттарды эске албаганда) 65 млрд. 587,3 млн. сомду түздү, же 108,7% пландан. 2013-жылдын ушул мезгили менен салыштырганда кирешелердин көрсөткүчтөрү акча түрүндө 8 млрд. 723,7 млн. сомго өскөн.
Жалпы салык кирешелери 47 млрд. 949,4 млн. сомду түздү, же пландын аткарылышы 50 млрд. 38,1 млн. сомго 95,8%ды түздү. Өткөн жылдын ушул мезгили менен салыштырганда кирешелердин көрсөткүчтөрү акча түрүндө 3 млрд. 928,9 млн. сомго өскөн.
Мамлекеттик бажы кызматы боюнча келип түшүү 28 млрд. 153,1 млн. сомду түздү, же пландын аткарылышы 97,2%ды түздү.
Мамлекеттик салык кызматы боюнча келип түшүү 19 млрд. 796,4 млн. сомду түздү, же пландын аткарылышы 93,9%ды түздү.
Республикалык бюджеттин салык эмес кирешелери 18 млрд. 45,7 млн. сомду түздү же пландын 177,9%ын (планды ашык аткаруу – 7 млрд. 901,4 млн. сом). Өткөн жылдын ушул мезгилине карата салык эмес кирешелер 39,0%га, же 5 млрд. 61,3 млн. сомго өскөн, бул бюджеттик мекемелердин атайын каражаттардын келип түшүшүнүн өсүшү менен байланыштуу.
Салык эмес кирешелер структурасында бюджеттик мекемелердин атайын каражаттары чоң көлөмдү түзөт, алар 6 млрд. 386 млн. сомду түздү. 5 млрд. 25,9 млн. сомдук план 127,1%га аткарылган.
Ишканалар жана уюмдар мурда берилген насыялар жана кредиттер (пайыздарды эске алганда) боюнча 1 млрд. 701,3 млн. сомду кайтарган, планда 1 млрд. 584,6 млн. сом болсо, бул 107,4%ды түзгөн. Пландын ашыкча кирешелери 116,6 млн. сомду түздү.
Мамлекеттик казначейдик векселдер боюнча кирешелер 6 млрд. 112,4 млн. сомду түздү, же 104,0%ды түздү.
