29-31-октябрь күндөрү өтүүчү үч күндүк иш-чарада Кыргызстандан 270 мектеп директору, ошондой эле Россиядан 20 директор, эксперттер жана адистер өз идеялары жана тажрыйбалары менен алмашышат.
Форумдун ачылыш аземи Кыргыз Республикасынын Билим берүү министри Догдуркуль Кендирбаеванын жана Россотрудничество уюмунун орун басары Павел Шевцовдун сөздөрү менен белгиленди.
Программа тажрыйба алмашуу, мастер-класстар өткөрүү жана «Мектептердин достугу» инициативасын баштоо, ошондой эле эки өлкөнүн билим берүү мекемелеринин кызматташуу жолдорун жана окуу процессине заманбап технологияларды киргизүүнү талкуулоону камтыйт.
Форумдун алкагында «Россияда билим - 2026» аталышындагы орус жогорку окуу жайларынын көргөзмөсү өтөт.
