Москвадагы жумушчу сапарында омбудсмендин орун басары Айчурок Назаралиева Россияда окуп, иштеп жаткан кыргызстандыктар менен жолугушту. Иш-чарада Россиядагы адам укуктары боюнча ыйгарым укуктуу өкүлдүн өкүлдөрү, ошондой эле Ички иштер министрлигинин жана Тышкы иштер министрлигинин кызматкерлери, Кыргызстандын Эмгек министрлигинин өкүлдөрү катышты.
Россиядагы адам укуктары боюнча ыйгарым укуктуу өкүлдүн жумушчу аппаратынын орун басары Сергей Футо, ушундай эле көйгөйлөрдүн Өзбекстандан келген студенттерге да тиешеси бар экенин белгиледи. Ал студенттердин өлкөнү таштап кетиши же кайрадан каттоо процессинен өтүшү шарт эмес экенин баса белгиледи. Бул маселе Россиядагы адам укуктары боюнча ыйгарым укуктуу өкүлдүн көзөмөлүндө болот.
«Окуу жайлары студенттердин окуу мөөнөтү бою Россияда болуу мөөнөтүн узартууга жооптуу, бирок алар бул милдетти сиздердин мойнуңарга жүктөштү», - деп кошумчалады ал.
Мындан тышкары, жолугушууда мигранттар үчүн маанилүү болгон балдарды мектептерге жана бала бакчаларга кабыл алуудагы кыйынчылыктар тууралуу маселелер талкууланды.
