121,440 тонна күн карама майын өткөрүү аземине Россиянын Ош шаарындагы Генконсулдугунун убактылуу жетекчиси Валерий Катункин жана ушул өкүлчүлүктүн үчүнчү катчысы Анастасия Егерева катышты. Бул маалымат элчиликтин басма сөз кызматынан алынды.
Алынган азык-түлүк Кыргызстандын түштүгүндөгү муктаж үй-бүлөлөргө БУУнун Дүйнөлүк азык-түлүк программасынын кызматкерлери жана жергиликтүү бийлик органдары аркылуу бөлүштүрүлөт.
Иш-чарада Кыргызстанда иш алып барган БУУнун Дүйнөлүк азык-түлүк программасынын өкүлдөрү да катышты.
Россия Федерациясы Кыргыз Республикасында БУУнун Дүйнөлүк азык-түлүк программасы үчүн эң ири донордун позициясын ээлейт. Соңку 15 жылда Россия өкмөтү менен БУУнун Дүйнөлүк азык-түлүк программасынын биргелешкен аракеттери кыргызстандыктарды колдоо, анын ичинде чукул жардам, калыбына келтирүү жана өнүктүрүү, ошондой эле Улуттук мектеп тамактануу программасы сыяктуу социалдык коргоо программаларын сунуштоо аркылуу жашоосун жакшыртууга жардам берди.
