Европа Биримдиги Кыргызстанга 30 миллион евро өлчөмүндөгү өкмөттүн бюджеттик колдоо программасын сунуштайт
Европа Союзу Кыргызстанга 30 миллион евро өлчөмүндө жаңы бюджеттик колдоо программасын сунуштайт, деп билдирет 24.kg маалымат агенттиги, Европа Союзунун КРдагы өкүлчүлүгүнө шилтеме берип.
Бул программа өкмөттү реформалоого багытталган. Бул каражаттар 2015-2017-жылдарга арналган жаңы социалдык коргоо стратегиясына киргизилет.
Агенттиктин маалыматына караганда, ошол эле учурда Европа Союзу социалдык коргоо үчүн бюджеттик колдоо катары беш миллион евро бөлүү шарттарын аткарууну баалап жатат, ал эми көз карандысыз эксперттер тобу Кыргызстандын өкмөтү тарабынан жогоруда аталган сумманы төлөө үчүн шарттарды аткаруу боюнча өз жыйынтыктарын сунуштады. Алар каржы министрлигиндеги башкаруу комитетинин жыйынында айтылды.
Беш миллион евро - 2012-2014-жылдарга арналган мамлекеттик социалдык коргоо стратегиясын ишке ашыруу боюнча 13 миллион евро өлчөмүндөгү төлөмдүн бир бөлүгү, бул өлкөнүн эң уязвимдүү катмарынын жашоо сапатын жакшыртууга багытталган.
Мында интернат типиндеги балдар мекемелерин реформалоо жана мамлекеттик финансыларды башкаруу системасын күчөтүү жөнүндө сөз болуп жатат. Мындан тышкары, Европа Союзу эксперттик кеңеш берүү жана окутуу кызматтарын сунуштайт.
Беш миллион еврону толук өлчөмдө төлөө боюнча чечим Брюсселдеги Европа Союзунун штаб-квартирасы тарабынан кабыл алынат, бул тууралуу жылдын аягына чейин маалымдалат.
