2014-жылдын 27-октябрынан 1-ноябрына чейин (Кыргыз Республикасынын Саламаттыкты сактоо министрлигинин Республикалык илимий китепканасынын конференц-залы, Бишкек ш.) «Эне, жаңы төрөлгөн жана баланын ден соолугун коргоо системасында адилеттүү жана сапаттуу медициналык кызматтарды камсыз кылууга багытталган ишмердүүлүктү башкаруу» деген биринчи окутуу курсу өтөт, БУУнун Балдар Фонду (ЮНИСЕФ) тарабынан техникалык колдоо менен уюштурулат.
Тренингди ЮНИСЕФтин Регионалдык Офисинин саламаттыкты сактоо бөлүмү Европалык эне, бала жана өспүрүмдөрдүн ден соолугун коргоо мектеби (Италия, Триест ш.) менен биргеликте уюштурат.
Централдык жана Чыгыш Европа/ТМД өлкөлөрүндөгү ЮНИСЕФтин Регионалдык Бюросу, Европалык эне, бала жана өспүрүмдөрдүн ден соолугун коргоо мектеби менен өнөктөштүктө, адилеттүүлүк жана далилдүү пландоонун маселелери боюнча окутуу курсун уюштурат, анын максаты — медициналык кызматтардын сапатын башкарууну жакшыртуу жана күн тартибине киргизүү. Курстун максаты катышуучуларга “кадам-кадам” жетекчилик берүү жана сапат башкаруу боюнча ар кандай инструменттерди колдонуу боюнча мурдагы тажрыйбаларын пайдаланууга аракет кылуу, ошондой эле алардын максималдуу оптимизациясын жана ден соолук саясатын иштеп чыгууга таасир этүү үчүн колдонулушун камсыз кылуу. Мындан тышкары, курс интерактивдүү форум болуп, катышуучулар арасында мыкты практиканы алмашууга мүмкүнчүлүктөрдү берет.
Тренингдин акыркы натыйжасы — эне жана баланын ден соолугун коргоо системасында адилеттүү жана сапаттуу медициналык жардамды камсыз кылуу үчүн күчтүү жана туруктуу сапат башкаруу системасын пландоого байланыштуу бардык зарыл болгон алдын ала шарттарды камтыган ишке ашырылуучу улуттук аракеттер планын иштеп чыгуу.
Курс Ош, Баткен, Жалал-Абад, Ысык-Көл, Нарын, Чүй жана Талас облустарынын, Бишкек ш. саламаттыкты сактоо уюмдарынын 36 жетекчисинин жана медициналык адистеринин потенциалын жогорулатууга багытталган, медициналык кызматтардын сапатын жакшыртуу жана райондук жана облустук деңгээлдеги сапат башкарууну уюштуруу боюнча.
Окутуу курсун өткөрүүнүн инициатору Кыргыз Республикасындагы ЮНИСЕФтин өкүлчүлүгү, Кыргыз Республикасынын Саламаттыкты сактоо министрлиги менен тыгыз координацияда.
