2023-жылдын 1-6-декабрында Финляндиянын Эспоо шаарында Кыргыз Республикасынын Өкмөтүнө караштуу Геология жана минералдык ресурстар боюнча мамлекеттик агенттиги менен Финляндиянын Геологиялык кызматы (GTK) ортосунда “Кыргыз Республикасында улуттук байлык үчүн табигый ресурстарды пайдаланууну бекемдөө” долбоору боюнча директорлор кеңешинин жыйыны өттү.
Жыйында Госгеологоагенттигинен орун басар директор Уланбек Рыскулов жана маалымат ресурстары башкармалыгынын башкы адиси Зинаида Шаболотова катышып, “Кыргыз Республикасында улуттук байлык үчүн табигый ресурстарды пайдаланууну бекемдөө” долбоорунун мындан аркы ишке ашырылышы боюнча маселелер талкууланды.
Иш-чаранын жыйынтыгы боюнча, аталган долбоорду ишке ашыруу учурунда Госгеологоагенттигинин геологиялык уюмдары үчүн 208,5 миң евро суммасында жабдууларды жеткирүү боюнча макулдашууга жетишилди.
Эскертүү катары, “Кыргыз Республикасында улуттук байлык үчүн табигый ресурстарды пайдаланууну бекемдөө” долбоору 3 жылга эсептелген, анын ишке ашырылышына Финляндиянын Тышкы иштер министрлигинен 1,5 миллион евродон ашык каражат бөлүнөт.
