Форумга ШКУнун катышуучу жана байкоочу мамлекеттеринин элчилери, ошондой эле цифрлаштыруу, энергетика, айыл чарба, транспорт, туризм, медицина жана финансылык тармактарда иш алып барган жүздөн ашык кытай компанияларынын өкүлдөрү катышты.
Мусаева өз сөзүндө "Кытай – Кыргызстан – Өзбекстан" темир жолун куруу долбоорун белгилеп, ал Бишкек менен Пекиндин экономикалык байланышын бекемдээрин жана бүткүл регион үчүн жаңы мүмкүнчүлүктөрдү ачарын айтты.
Иш-чаранын расмий бөлүмүнөн кийин элчилик өкүлдөрү B2B форматында жолугушууларды уюштуруп, кытайлык инвесторлорго конкреттүү долбоорлорду тааныштырды жана Кыргызстандын экономикасына инвестициялоо мүмкүнчүлүктөрү тууралуу маалымат бөлүштү.
Форум Кыргызстандын инвестициялык потенциалын дүйнөлүк аренада илгерилетүү үчүн маанилүү платформа болуп калды.
