Кыргызстан Бириккен Улуттар Уюмунун Адам укуктары боюнча Кеңешинин мүчөсү болду

Кыргызстан 28-октябрда Нью-Йорктогу БУУнун 42-жыйынында өткөн шайлоонун жыйынтыгы боюнча 2016-2018-жылдарга БУУнун Адам укуктары боюнча кеңешине мүчө болуп шайланды.

– Кыргыз Республикасы адам укуктарын коргоону, мыйзамдын үстөмдүгүн жана демократияны улуттук жана эл аралык деңгээлде бекемдөө жана колдоо боюнча өзгөчө маанилүү маанини берди, ошондуктан БУУнун негизги органдарынын бири үчүн өз талапкерлигин сунуштады. Азия-Тынч океан регионалдык тобунан беш бош орунга жети өлкө талапкер болду, – деп билдирди Кыргызстандын Тышкы иштер министрлиги.

Ошондой эле ТИМ Кыргызстандын талапкерлиги 192 мүмкүн болгон добуштун 147син алып, лидерлердин үчтүгүнө киргенин белгиледи. Борбордук Азия республикасы БУУнун Адам укуктары боюнча кеңешиндеги мүчөлүгүн 2016-жылдын 1-январынан баштап ишке ашыра баштайт.

Маалымат ИА:

Адам укуктары боюнча кеңеш – БУУ системасындагы эл аралык укук коргоо органы, Адам укуктары боюнча комиссиянын ордун алмаштырган. БУУнун Жалпы Ассамблеясынын жардамчы органы. Кеңештин биринчи жыйыны 2006-жылдын 19-июнунда өттү. Кыргызстан Бириккен Улуттар Уюмуна 1992-жылдын 2-мартында мүчө болду.