Мурат Суюнбаев: «Кыргызстанда социалдык стратификацияга негизделген партиялар жок»

«Кыргызстанда саясий партиялар тукум-урук негизинде куралат», – деп билдирди Кыргыз-Россия Славян университетинин профессору Мурат Суюнбаев 17-февралда ИАнын пресс-борборунда өткөн «Евразия аймагындагы саясий кырдаал» темасындагы тегерек столдо.
Суюнбаев «Геополитикалык кырдаалдын Кыргызстандагы ички процесстерге таасири» темасындагы докладында географиялык себептерден улам Кыргызстан дайыма Түндүк жана Түштүк болуп бөлүнүп келгенин белгиледи.
– Түштүктө пахта, күрүч өстүрүлөт, ал жакта Түндүк Кыргызстанга караганда башкача чарба жүргүзүлөт, – деп белгиледи профессор. – Мунун натыйжасында республикадагы саясий партиялар тукум-урук негизинде куралат. Аларды негизинен партияга тиешелүү тукум жана уруунун өкүлдөрү добуш беришет, бул болсо 7 пайыздан ашык 2,5 пайыздан көп добуш ала албайт.
Суюнбаевдин айтымында, парламентке өтүү үчүн партиялар биригүүгө мажбур, бирок түзүлгөн тандемдерде ички биримдик жок. Ошондуктан шайлоодон кийин алар дайыма ажырайт.
– Саясий партиялар социалдык стратификация негизинде түзүлүшү керек, мисалы, жумушчулар, айыл чарба өндүрүүчүлөр партиялары ж.б. Бирок Кыргызстанда мындай партиялар жок, – деп жыйынтыктады Суюнбаев.

Фото: time.kg