Миррахимов Мирсаид Мирхамидович

Миррахимов Мирсаид Мирхамидович (1927),

медициналык илимдердин доктору (1965), профессор (1966), КР УИАнын академиги (1974), КРнын илим жана техника боюнча Мамлекеттик сыйлыктарынын лауреаты (1978, 1984) жана СССР (1981)

Узбек. Фрунзе шаарында төрөлгөн. КГМИни (1948) аяктаган.

КГМИнин кафедра башчысы, проректору, кардиология боюнча НИИнин директору, 1996-жылдан тартып - КР Саламаттык сактоо министрлигине караштуу Улуттук кардиология жана терапия борборунун директору болуп иштеген.

Ички оорулар, кардиология, тоо физиологиясы жана медицина боюнча адис. РАМН академиги (1988), Нью-Йорк илим академиясынын мүчөсү.

Ленин ордени (2), Ардак белгиси (2), Октябрь революциясы, Манас III даражадагы ордени, СССР медалдары менен сыйланган,

КРнын КРнын Ардак грамоталары (4).

Социалисттик Эмгектин Баатыры (1987). КРнын Ардактуу дарыгери (1962). КРнын илим жана техника боюнча Ардактуу ишмери (1972).

700дөн ашык илимий эмгектери жарыяланган, анын ичинде 23 монография, 19 ойлоп табуу.

Анын жетекчилиги менен 30 докторлук жана 70 кандидаттык диссертация корголгон.

Негизги эмгектери:

1. Жогорку тоолордо жүрөк-кан тамыр системасынын абалы. Ленинград, «Медицина», 1968.
2. Ички ооруларды тоо климаты менен дарылоо. Ленинград, «Медицина», 1977.
3. Peripheral Chemoreceptors and Human Adaptation to High Altitude. Biomed.Biochim. Acta, 1988, 47.
4. New Approaches to Noninvasive Assessment of Pulmonary Artery Pressure (автордук биргелешүүдө). J.CIin.Cardiology, 1992, 15.
5. The Cardiovascular System at High Altitude (автордук биргелешүүдө). Handbook of Physiology. Section 2. Environment Physiology. V. II.Pub!. New-York, Oxford, 1996.