Бримкулов Нурлан Нургазиевич (1953), медицина илимдеринин доктору (1991), илим жана техника тармагында КРнын Мамлекеттик сыйлыгынын лауреаты (1996).
Кыргыз. Токтогул кыштагында, Жалал-Абад облусунда туулган. КГМИни (1976) жана ошол жерде аспирантураны (1981) аяктаган.
Кырг. НИИ кардиологиясында илимий кызматкер, КНИКтин лабораториясын жетектеген, бөлүмдүн башчысы, Улуттук кардиология жана терапия борборунун башкы дарыгери, 2000-жылдан бери КГМАнын кафедрасынын башчысы болуп иштеген.
Ички оорулар жана бийик тоолор медицинасында адис. КРнын Ардак Грамотасы менен сыйланган (1996). 300дөн ашык илимий эмгектери, анын ичинде 2 монография, 3 ойлоп табуу жарыяланган. Анын жетекчилиги астында 1 докторлук жана 3 кандидаттык диссертация корголгон.
Негизги эмгектери:
1. Балдардагы бронхиалдык астма (биргелешип авторлук). Бишкек, «Илим», 2000.
2. Өзүңө жакшы дем алууга жардам бер (хроникалык бронхит жана эмфизема менен жабыркагандар үчүн колдонмо). Бишкек, Кыргыз Астма Борбору, 2000.
3. Acetazolamideнын астма менен жабыркагандардагы түнкү кычкылтек алуу жана курч тоо оорусуна таасири (биргелешип авторлук). Europ. Resp.J., 1993. -v.6, - p. 536- 540.
4. Курч тоо оорусунун иммунологиялык божомолу (биргелешип авторлук). Acta Andina, 1995. - v.4. - p. 135- 138.
5. Хроникалык бронхит менен жабыркагандардын бийик тоолордо реабилитациясы, Чемобул атомдук электр станциясындагы кырсыктын ликвидаторлору (биргелешип авторлук). - Jap. J.Mount. Med. 1997. v.17., - p.103-110.
