Тарас Токомбаев 1930-жылдын 5-июлунда Москвада белгилүү акын Аалы Токомбаевдин үй-бүлөсүндө төрөлгөн жана өмүрүн мекенине арнаган. СССРдин Чек ара кызматында кызмат өтөгөндөн кийин, ал Борбордук Комитеттин алдындагы коргонуу уюмун жетектеген, кийинчерээк ардагерлер менен иш алып барып, «Эскерүү китеби» редакциясынын орун басары, жооптуу катчысы болгон. 2001-жылдан тартып Токомбаев Кыргызстандын согуш, эмгек, Куралдуу күчтөр жана укук коргоо органдарынын ардагерлер уюмун жетектеп, «Эскерүү китеби» редакциясынын мүчөсү болгон. Ошол эле учурда Токомбаев Улуу Ата Мекендик согуштун тарыхын бурмалоого жол бербөө боюнча активдүү коомдук ишмердикти жүргүзгөн. Өзүнүн эмгектери үчүн ал «Кызыл Жылдыз» ордени, «Данк» медалы, Россиянын «Жоокердик заслугалар үчүн» ордени жана көптөгөн медалдар менен сыйланган.
Тарас Токомбаев менен коштошуу үчүн жарандык панихида 11-февралда, бейшемби күнү, Бишкектеги Чокморов көчөсү менен Эркиндик проспектиси кесилишиндеги атасынын музейинде өтөт. Жерге берүү ошол эле күнү Ала-Арча көрүстөнүндө болот.
