Бул маалыматты Turmush агенттигинин кабарчысы мэриянын басма сөз кызматына таянып билдирди.
Жакында өткөрүлгөн рейддер Токмоктогу ресторандар жана кафе-барлардын көпчүлүгү белгиленген эрежелерди сактап, белгиленген убакытта жабыларын көрсөткөн.
Шаар мэриясында текшерүүлөр системалуу түрдө жүргүзүлөрү жана мыйзам бузгандарга мыйзамда каралган чаралар колдонулары белгиленди.
«Биз мекеме ээлерин белгиленген талаптарга түшүнүү менен мамиле кылууга, тынчтык режимин сактоого жана электр энергиясын үнөмдүү пайдаланууга чакырабыз», - деп айтылат билдирүүдө.
«Тынчтык жөнүндө» мыйзамдын нормаларын сактоо жана электр энергиясын үнөмдөө:
Бардык мекемелер, ресторандар, кафе жана түнкү клубдар 22:00дө ишин токтотуп, 22:10до электр жарыгын өчүрүүгө милдеттүү.
Бул демилге жашоочулардын тынчтыгын камсыздоо жана түнкү сааттарда — 22:00дөн 06:00гө чейин тынчтыкты сактоо, ошондой эле электр энергиясын натыйжалуу пайдаланууга багытталган», - деп кошумчалашты мэриядан.
Объекттер
Спутник
⛶
