Жакында Таласта өткөрүлгөн рейддер мыйзамсыз аңчылык жана кум-таш аралашмасын алуу фактыларын аныктады.
8-ноябрда Талас облусунун Экология жана техникалык инспекциясынын аймактык башкармалыгынын кызматкерлери, Талас РОВДсынын өкүлдөрү жана Табигый ресурстар, экология жана техникалык көзөмөл министрлигинин өкүлдөрү менен биргеликте Бакай-Ата жана Талас райондорунда текшерүүлөрдү өткөрүштү.
Иш-чаралардын негизги максаты мыйзамсыз аңчылык фактыларын аныктоо жана табигый ресурстарды мыйзамсыз пайдалануунун алдын алуу болду. Рейд учурунда кээ бир аңчыларда мыйзамдуу уруксат берүүчү документтер табылды. Бирок түнкү убакта тиешелүү уруксатсыз кум-таш аралашмасын алуу менен алектенген адамдар да кармалды.
Рейддин жыйынтыгы боюнча, мыйзам бузгандардын бири, жаран К.Б.Б., административдик укук бузуулар кодексинин 243-беренесинин 4-бөлүгүнө ылайык 13 миң сомго айыпка жыгылды.
