Экология министрлигине караштуу экология инспекциясынын Ысык-Көл облустук башкармалыгынын кызматкерлери, мыйзамсыз орнотулган 1100 метр эски синтетикалык торлорду Ысык-Көл көлүнүн акваториясынан алып чыгуу операциясын өткөрүштү. Бул тууралуу ведомствонун маалымат кызматынан билдиришти.
Бул инициативага балык ресурстарын коргоо жана көлдүн биологиялык ар түрдүүлүгүн сактоо максатында жарандык активисттер да катышты.
Мындан тышкары, Ысык-Көл көлүндө экологиялык коопсуздукту камсыздоо жана табигый ресурстарды мыйзамсыз пайдалануунун алдын алуу үчүн туруктуу рейддик текшерүүлөр өткөрүлүп турат.
