Окуя болгон жерге Ананьево айылындагы милициянын айылдык бөлүмүнөн тергөө-оперативдик топ дароо жөнөтүлдү.
Текшерүү учурунда жергиликтүү тургун, А.И. деп аныкталган адамдан 87 балык жана 2 даана ок атуучу курал табылып, алынган. Окуя тууралуу маалымат Ысык-Көл райондук Ички иштер бөлүмүнүн Бирдиктүү Реестрине катталган жана бул факт боюнча Кыргыз Республикасынын Кылмыш кодексинин 310-беренеси боюнча кылмыш иши козголгон.
Тергөө процессинде бул укук бузуучулукка тиешеси бар адамдар аныкталды: А.И. (1990-жылы туулган, Ананьево айылынын тургуну), А.З. (1991-жылы туулган, Орто-Өрүктү айылынын тургуну) жана Б.Ж. (1993-жылы туулган, ошондой эле Орто-Өрүктү айылынын тургуну).
Күдүктөрдүн жашаган даректеринде жүргүзүлгөн тинтүү учурунда А.И.дан 11 даана ок атуучу курал, ошондой эле ок-дарылар жана алардын өндүрүшүнө керектүү жабдуулар табылды. А.З.дан резина ботинкалары жана эки куткаруу жилети табылган.
А.И. жана А.З. күдүк катары суракка алынып, Кыргыз Республикасынын Кылмыш процессуалдык кодексинин 96-97-беренелерине ылайык убактылуу кармоо жайына жайгаштырылды.
Учурда Ысык-Көл облусунун Табигый ресурстар, экология жана техникалык көзөмөл министрлигинин регионалдык башкармалыгы зарыл экспертизаларды жүргүзүүдө.
Тергөө уланууда.
