Ведомствонун маалыматына ылайык, жергиликтүү тургундар муниципалдык транспортту колдонуу менен мыйзамсыз ташуу жана таштоо учурлары боюнча арызданышкан.
Жүргүзүлгөн текшерүүлөрдүн натыйжасында, Кунтуй айыл аймагындагы Токбай айылында чыгыш четинде 8,5 гектар жерди ээлеген стихийдүү таштандылар жайы бар экени аныкталды.
Экология жана техникалык көзөмөл министрлигинин кызматкерлери айыл өкмөтүнүн өкүлдөрү менен түшүндүрүү иштерин жүргүзүп, зарыл чараларды көрүү үчүн материалдарды экология жана техникалык көзөмөл кызматына өткөрүп беришти.
