Табигый ресурстар министрлигинин маалымат кызматына ылайык, инспекция ишкананын кен казуу тармагы үчүн белгиленген коопсуздук талаптарын жана өндүрүш нормаларын сактабаганын көрсөткөн.
Текшерүүнүн натыйжасында «Ак-Талаа көмүр» ишканасына 87 миң сом өлчөмүндө айып пул салынды. Мындан тышкары, компанияга аныкталган бардык мыйзам бузууларды жоюу үчүн 15 күн берилди.
Министрликте экологиялык, техникалык жана өндүрүш стандарттарын сактоо эмгектин коопсуздугун, айлана-чөйрөнү коргоону жана калктын саламаттыгын камсыз кылуу үчүн өтө маанилүү экенин баса белгилешти.
Юстиция министрлигинин маалыматына ылайык, мамлекеттик «Ак-Талаа көмүр» ишканасынын директору Кубанычбек уулу Жолой. Компаниянын негизги иши таш көмүрдү казып алуу болуп саналат. Ишкана 2022-жылдын 14-декабрында катталган.
