Алардын маалыматына ылайык, 123 кырсык катталып, анын натыйжасында 135 адам жабыркаган, анын ичинде 51 адам каза болгон. Оор жаракаттардын саны 32ден 21ге чейин кыскарган.
Көзөмөл иштеринин жүрүшүндө жумушчуларга 63,1 миллион сом компенсация жана 9,6 миллион сом төлөнбөгөн эмгек акы катары төлөнгөн.
Инспекторлор 2025-жылдын тогуз айында 935 текшерүү жүргүзүп, натыйжада 1009 мыйзам бузуу учурларын аныкташкан. Үчүнчү кварталда аныкталган мыйзам бузуу учурлары жыл башына салыштырганда дээрлик төрт эсе көбөйгөн.
Белгиленген мезгилде жумуш берүүчүлөргө 1320 буйрук берилген, ал эми салынган айыптардын суммасы 6,37 миллион сомду түзүп, анын ичинен 4,67 миллиону төлөнгөн.
Мындан тышкары, инспекторлор 73 соттук отурумга катышып, 169 окутуу иш-чарасын өткөрүп, 1345 жарандык арызды карап, 4364 оозеки консультация берген.
