Декларацияга кол коюу беш борбордук азия өлкөлөрүнүн: Казакстан, Кыргызстан, Тажикстан, Түркмөнстан жана Өзбекстандын биргелешкен демилгеси болду. Бул окуя алардын биологиялык ар түрдүүлүктү сактоо жана жапайы табиятты коргоо боюнча мамлекеттер аралык кызматташтыкты күчөтүү боюнча жалпы чечимдерин символдойт.
Кийинки күнү, 24-ноябрда, А.М. Мусаев TRAFFIC эл аралык уюму менен болгон жолугушууда Кыргызстандын CITES Конвенциясын ишке ашыруудагы жетишкендиктери тууралуу айтып берди. Ал өлкөнүн мыйзамсыз соодага каршы чараларды күчөтүү жана санариптик инструменттерди киргизүүгө даярдыгын белгиледи.
Конференциянын алкагында министрдин орун басары Борбордук Азиянын табигатты коргоо органдарынын жетекчилери, CITESтин Башкы катчысы жана TRAFFICтин Башкы директору менен жолугушуулар өткөрдү. Иш-чаранын катышуучулары регионалдык кызматташтыкты жакшыртуу, биргелешкен долбоорлор жана табиятты коргоо боюнча демилгелерди талкуулашты.
КРнын Табигат ресурстары министрлиги Самарканд декларациясына кошулуу жаңы горизонтторду ачып, сирек түрлөрдү коргоо жана региондогу табигат ресурстарын туруктуу башкаруу боюнча аракеттерди координациялоо, маалымат алмашуу жана биргелешкен иш алып баруу үчүн мүмкүнчүлүктөрдү түзөт деп баса белгилейт.
