ЮНЕСКОнун Аткаруу кеңеши Генералдык конференциянын ишин даярдоо жана анын чечимдерин ишке ашыруу, ошондой эле уюмдун стратегиялык жана программалык приоритеттерин иштеп чыгуу боюнча жооптуу жетекчилик орган катары маанилүү роль ойнойт. Анын курамына төрт жылдык мөөнөткө шайланган 58 мүчө мамлекет кирет.
2019-2023-жылдар аралыгында Кыргызстан бул кеңештин курамында өз функцияларын ийгиликтүү аткарды.
Аткаруу кеңешине мүчөлүк ЮНЕСКОнун стратегияларын түзүүгө, Кыргызстандын жана Борбордук Азиянын кызыкчылыктарын илгерилетүүгө, ошондой эле билим берүү, илим, маданият жана байланыштар боюнча эл аралык кызматташтыкты күчөтүүгө активдүү катышуу мүмкүнчүлүктөрүн ачат.
