Кыргызстан — Узбекистан
Кыргыз Республикасы менен Өзбекстан Республикасы ортосундагы дипломатиялык мамилелер 1993-жылдын 16-февралында түзүлгөн. Эгемендүүлүк жылдарында Кыргыз Республикасы жана Өзбекстан Республикасы эки тараптуу кызматташтыкты өнүктүрүү жана бекемдөө процессинде бекем келишимдик-укуктук базаны түзүштү. Эки тараптуу кызматташтыкты камтыган 80ден ашык эл аралык келишимдер иштеп жатат. Эки мамлекеттин ортосундагы мамилелерди жөнгө салган негизги документ — 1996-жылдын 24-декабрында кол коюлган эки өлкө ортосундагы түбөлүк достук келишими.
Жалпысынан Кыргызстан менен Өзбекстандын мамилелери коңшулук жана өз ара пайдалуу мүнөзгө ээ болуп, эки тараптуу өз ара аракеттенүүнүн бардык комплекси боюнча этап-этабы менен өнүгүп жатат. Кыргызстан менен Өзбекстандын көп тараптуу институттардагы кызматташтыгы ТМД жана ШОСта эң натыйжалуу болду. ТМДнын алкагында Кыргызстан жана Өзбекстан ар дайым эркин соода, экономикалык интеграция жана кызматташтык маселелерин өзгөчө белгилеп келишкен.
Кыргызстандын чет өлкөлөр менен соодасында Өзбекстан бешинчи орунду ээлейт. Өзбекстандын Кыргызстандын жалпы товар жүгүртүүсүндөгү үлүшү 4,0% түзөт. 2004-жылы Кыргыз Республикасындагы тышкы соода жүгүртүүсү Өзбекстан Республикасы менен 66,6 млн долларды түзүп, 2003-жылга салыштырганда 20,0%га өскөн, экспорт 14,7 млн долларды (9,8%га кыскарган), импорт 51,9 млн долларды (32,4%га өскөн) түзгөн. Соода балансынын сальдосу терс болуп, 37,2 млн доллар Өзбекстан Республикасына пайдасына түзүлгөн.
Кыргызстан — Таджикистан
Кыргызстан менен Таджикистан ортосундагы кызматташтык экономикалык жана саясий чөйрөлөрдө, билим берүү, ар түрдүү гуманитардык байланыштарды өнүктүрүү боюнча жемиштүү кызматташтыктын үлгүсү болуп калды. Кызматташтык жылдары 60 документке кол коюлган, анын ичинде 11 мамлекет аралык, 23 өкмөттөр аралык жана 26 ведомстволор аралык келишимдер бар. Ошондой эле байланыш, энергетика, регионалдык коопсуздук, тоо региондорун туруктуу өнүктүрүү боюнча биргелешкен пайдалуу жана маанилүү долбоорлор жана демилгелер көп кабыл алынган. Кыргыз-таджик кызматташтыгы региондогу суу ресурстарын пайдалануу боюнча макулдашылган саясатты жүргүзүү үчүн стратегиялык мааниге ээ.
