Жыйындын жүрүшүндө Кыргызстан менен АКШнын ортосундагы кызматташуу жана С5+1 форматы боюнча өз ара аракеттенүү боюнча негизги маселелер талкууланды.
КР Тышкы иштер министрлигинин маалыматына ылайык, министр Кулубаев Кыргызстан АКШ менен саясий диалогду өнүктүрүүнү, ошондой эле экономикалык жана инвестициялык байланыштарды тереңдетүүнү артыкчылык катары карап жатканын белгиледи.
Кыргыз тарап америкалык инвестицияларды тартууга жана америкалык бизнесмендердин өлкөнүн экономикасындагы катышуусун кеңейтүүгө кызыктар экенин билдирип, биргелешкен долбоорлорду илгерилетүүгө көңүл бурду. Виза маселелерине да өзгөчө көңүл бөлүндү.
Жыйындын аягында тараптар Кыргызстан менен АКШнын ортосундагы мамилелерди тереңдетүүгө болгон ниеттерин бекемдеп, келечектеги кызматташуу үчүн туруктуу жумушчу байланыштарды түзүү боюнча макулдашышты.
