Кыргыз Республикасынын Улуттук китепканасынын 80 жылдык юбилейин белгилөө алкагында, «Евразия китепканалык ассамблеясы» (НП БАЕ) коммерциялык эмес өнөктөштүгүнүн XVI Жалпы жыйыны жана түрк тилдүү өлкөлөрдүн улуттук китепканаларынын жетекчилеринин жыйыны өттү.
НП БАЕ жыйынына жана түрк тилдүү өлкөлөрдүн директорлорунун жыйынына катышкан: Евразия китепканалык ассамблеясынын президенти, Россиянын мамлекеттик китепканасынын (РГБ) директору — Вислый А.И, БАЕнин башкы директору – Райкова Г.А., БАЕнин аткаруучу директору – Нерюева М.В., Россиянын улуттук китепканасынын башкы директору — Лихоманов А.В., Беларуссиянын улуттук китепканасынын башкы директору – Мотульский Р.С., Азербайжандын улуттук китепканасынын директору – Тахиров Керим Магоммед оглы, Казакстандын улуттук китепканасынын башкы директору – Аскар Алибек, Түркиянын улуттук китепканасынын башкаруу жана кызмат көрсөтүү департаментинин директору – Галип Йылдырым, Казакстан Республикасынын НБсынын башкы директорунун орун басары – Жандосов А. К. жана бөлүм башчылары: Б.Н.Ельцин атындагы президенттик китепкананын президенти — Ченцов Александр Сергеевич, Сакаев А.А., Хабибуллина А.Р.; Казакстан Республикасынын улуттук китепканасы – Аскарбекова Н. М., Мамбаева А.Б., Бекпаева Б.С.; Түркиянын улуттук китепканасы — Теоман Акай.
XVI Жалпы жыйында БАЕнин төмөнкү маселелери талкууланды:
- НП «БАЕ» 2013-2014 жылдардагы ишмердүүлүгү;
- «Евразия китепканалык ассамблеясынын» илимий-практикалык журналынын жобосу;
- 2015-жылга «БАЕнин Вестниги» үчүн перспективалык темалык публикациялар планы;
- Модельдик китепканалык кодексин өзгөртүү;
- «Евразия китепканалык ассамблеясы» электрондук китепканасынын долбоору;
- НП БАЕнин XVII Жалпы жыйынын өткөрүү үчүн орун жана убакытты аныктоо.
Жыйындын катышуучулары кеңири маселелер боюнча пикир алмашышты. Негизги максат – катышуучулардын жалпы максаттар, приоритеттер жана жалпы китепканалык- маалыматтык мейкиндикти сактоо жана өнүктүрүү боюнча өз ара макулдашылган көз караштарды иштеп чыгуу болуп саналат.
Түрк тилдүү өлкөлөрдүн улуттук китепканаларынын жетекчилеринин жыйынында (Түркия, Казакстан, Азербайжан, Кыргызстан) төмөнкү маселелер талкууланды:
- UNICOD латын алфавити стандарттарына негизделген ресурстарды бириктирген каталогду өнүктүрүү;
- Участник өлкөлөрдөн мүчөлөрдү дайындоо, өлкөлөрдүн приоритеттерин аныктоо үчүн уюмдун структурасын түзүү;
- Маалыматтык технологияларды колдонуу боюнча публикациялар менен алмашуу;
- Электрондук китепканаларды колдонууга негизделген жалпы маалымат базасы боюнча эки тараптуу жана көп тараптуу консорциумдарды түзүү – түркологиялык изилдөөлөрдүн электрондук маалымат фондун түзүү (библиографиялык жана толук тексттик);
- Түрк тилдүү өлкөлөрдөгү тарыхый инсандык тууралуу публикацияларды библиографиялаштыруу;
- Түрк тематикасы боюнча улуттук китепканалар арасында китеп алмашуу;
- Түрк адабиятын популяризациялоо боюнча маалыматтык иш.
Дискуссия учурунда маалыматтык технологияларды колдонуу менен байланышкан биргелешкен долбоорлорду түзүүгө, ошондой эле эл аралык китеп алмашууну кеңейтүүгө чоң көңүл бурулду. Жыйында катышуучулар соңку жылдарда түрк тилдүү өлкөлөрдүн улуттук китепканаларынын кызматташтыгы ийгиликтүү өнүгүп жатканын жана түрк тилдүү элдердин маданий биримдиги – чыгармачылык өз ара байланыш үчүн негиз экенин белгилешти.
