АКШ Кыргызстандын көз карандысыздыгын биринчи болуп тааныган өлкөлөрдүн катарында, 1991-жылдын 27-декабрында дипломатиялык мамилелерди орноткон. 1992-жылдын февралында Бишкекте АКШнын элчилиги пайда болду. Өз ара сапарлар учурунда түзүлгөн эки тараптуу мамилелердин келишимдик-укуктук базасы 20дан ашык келишимдерден турат.
Кыргызстан менен АКШнын саясий мамилелеринин өнүгүшүн түшүнүү үчүн төмөнкүлөрдү белгилөө зарыл. АКШнын администрациясы Кыргызстанды экономикалык жана саясий реформаларды жүргүзүүдө олуттуу жетишкендиктерге жеткен жаш көз карандысыз мамлекет катары карайт. Ошондуктан Кыргызстанда демократиялык институттарды түзүү жана бекемдөө эки тараптуу кызматташтыктын активдүү чөйрөлөрүнүн бири болуп саналат.
1992-жылдан 2003-жылдын августуна чейин Кыргызстан менен АКШнын кызматташтыгынын мезгилинде Кыргызстанга көрсөтүлгөн финансылык жардамдын көлөмү 700 миллион доллардан ашты, анын 590 миллиону мамлекеттик булактардан, 139 миллиону болсо жеке булактардан бөлүнгөн.
Кызматташтыктын ар түрдүүлүгү жана интенсивдүүлүгүнө карабастан, АКШнын Кыргызстанга түз инвестиция тартуу жаатында эң алсыз звено болуп кала берүүдө. 2001-жылдын ортосуна карата алар болгону 10 миллион долларды түзгөн.
Кыргызстан менен АКШнын мамилелеринде жаңы баракча 2001-жылдын 11-сентябрынан кийинки окуялар менен ачылды. АКШнын Афганистандагы «Туруктуу эркиндик» операциясынын башталышы Борбордук Азияда америкалык катышууну алып келди. Ноябрь-декабрь 2001-жылы АКШ армиясынын аскерлерин Өзбекстан менен Кыргызстанда жайгаштыруу атайын келишимдердин негизинде бул республикалардын өкмөттөрү менен АКШнын ортосунда жетишилген.
