АКШнын мамлекеттик катчысы Жон Керри Кыргызстанга келет: бул жакшыбы?
– Мамлекеттик катчы Бишкек, Самарканд, Астана, Душанбе жана Ашхабадды кыдырып, ар бир өлкөнүн өкмөтүнүн жогорку кызмат адамдары менен эки тараптуу сүйлөшүүлөрдү өткөрөт. Бул мамлекеттик катчы Джон Керринин Борбордук Азияга болгон биринчи сапары жана АКШнын мамлекеттик катчыларынын бир сапар менен беш Борбордук Азия республикасына болгон биринчи сапары, – деп билдиришти Мамлекеттик департаменттен.
Маалыматта ошондой эле Джон Керри Борбордук Азиядагы Американын университетинин (Бишкек) жаңы кампусунун жана Кыргызстандагы АКШнын элчилигинин ачылышына катышаары айтылат.
31-октябрда Бишкекке америкалык миллиардер, бир нече кайрымдуулук фонддорунун негиздөөчүсү Жорж Сорос да келет. Ал жаңы АУЦА кампусунун ачылышында куттуктоо сөзүн айтат, ал кампус Соросдун каржылоосу менен курулган. Мурда белгилүү финансист өткөн жылы Бишкекке келген. Анда кээ бир кыргызстандыктар анын визитин кыргыз-орус мамилелеринин өнүгүшүнө коркунуч катары баалашкан.
АКШнын мамлекеттик катчысынын жана америкалык миллиардердин Борбордук Азияга, айрыкча Кыргызстанга болгон визити эмне маанини билдириши мүмкүн экенин ИА саясат таануучу Бакыт Бакетаев айтып берди.
– Учурда АКШ Борбордук Азияга чоң көңүл буруп жатат. Америкалыктар бул региондогу геосаясий оюнга активдүү катышууда. Бул жерде алардын саясаттарын илгерилетүүгө жардам берген тарапташтары бар, – дейт Бакетаев. – Кыргызстан жөнүндө айтсак, Керринин визити саясий мамилелерди бекемдөөгө багытталса, Сорос аларды каржылоосу менен бекемдей алат. Алардын келишин, шексиз, «батышчыл» маанайларды жандандырат, коомду бөлүүгө багытталган саясий күрөштөрдүн өнүгүшүнө себеп болот.
Адистин айтымында, Керри жана Сорос Борбордук Азияга визит үчүн абдан ыңгайлуу убакытты тандап алышты, ошондой эле санкциялардын киргизилиши Россия үчүн Борбордук Азия өлкөлөрүнө да таасир этээрин жакшы түшүнүшөт, ошондуктан санкцияларды өз саясий максаттарына жетүү үчүн курал катары колдонушу мүмкүн.
– Кыргызстандагы сөз эркиндиги менен, жана өз тарапташтарынын жардамы менен алар өлкөдөгү саясий абалды кыйындатышы мүмкүн. АКШ абдан акылдуу иш алып барууда, жана алар «толкун» түзүүдө кыйынчылык тартпайт, ал кийинчерээк керектүү багытка бурулушу мүмкүн.
