– Биз 2015-жылдын 7-ноябрында Бишкекке Лондон шаарынан «Глобус» театры Гамлет спектакли менен келет деп маалымдоого кубанычтабыз! Пьеса Т. Абдымомунов атындагы Кыргыз драма театрында көрсөтүлөт, билеттер акысыз болот! Билеттерди кантип жана качан сатып алууга болорун кийинчерээк билдиребиз. Учурда, бул маалыматты досторуңуз жана тааныштарыңыз менен кеңири бөлүшүңүздөрдү суранабыз. Ошондой эле, биздин социалдык тармактагы баракчабызды байкап турууну унутпагыла, – деп билдиришти Facebook’теги расмий баракчада.
Белгилей кетсек, Шекспир театрынын гастрольдүк туру Түркмөнстан, Тажикстан, Өзбекстан, Казакстан жана башка бир катар Азия өлкөлөрүн камтыйт.
Маалымат ИА:
«Глобус» театры (Globe Theatre) – ушул аталыштагы үчүнчү театр. Биринчи «Глобус» 1599-жылы Темза дарыясынын түштүк жээгинде, Уильям Шекспир да катышкан труппанын каражатына курулган. Бина 14 жылдык өмүрүндө өрттөн жоюлган. 1644-жылы кайрадан курулган театрды пуритандык жарандар жер менен жексен кылышкан. Ал эми 20-кылымдын аягында Шекспирдин «Глобусун» реконструкциялоо үчүн фонд түзүлгөн, 1997-жылы театр кайрадан көрүүчүлөр үчүн эшигин ачкан.
