Көлеңкө театры

2014-жылдын 10-апрелинен 30-апрелине чейин Кыргыз Республикасынын Мамлекеттик тарых музейинде Шэньси провинциясынын (Кытай) элдик искусствосунун, салттарынын жана адаттарынын «Көлеңкө театры» көргөзмөсү өтөт. Мындай көргөзмө Кыргызстанда гана эмес, Борбордук Азияда да биринчи жолу өтүп жатат.

Экспозицияда «Бакчада жолугушуу», «Жашыл жыланга аңчылык», «Генерал ГуаньЮй жортуул палатасында», «Үч жолу чатырда», «Буддага урмат көрсөтүү» спектаклдери, ошондой эле териден жасалган куколор жана «Көлеңкө театры» сүрөттөрү көрсөтүлөт.

Көлеңкө театры - Кытайдын драмалык искусствосунун бир түрү. Ал Сун династиясынын (960-1279) башында популярдуу болуп, майрамдарда көптөгөн пьесалардын көрсөтүүлөрү менен белгиленген. Мин династиясы (1368-1644) учурунда Пекин шаарында 40тан 50гө чейин көлеңкө шоу болгон. XIII кылымда көлеңкө театры монгол аскерлеринин казармасында негизги эс алуу түрүнө айланган. Ал монголдор тарабынан басып алынган алыскы өлкөлөрдө - Персияда, Аравияда жана Түркияда кеңири таралган. Кийинчерээк Түштүк-Чыгыш Азияда да киргизилген. Көлеңкө театры XVIII кылымдын орто ченинде Европага тарай баштаган, француз миссионерлери Кытайдан Францияга анын идеяларын алып келген, ал эми 1767-жылы Парижде жана Марсельде спектаклдерди уюштурушкан.

Дата: 2014-жылдын 10-апрелинен 30-апрелине чейин
Шаар: Бишкек
Сиань музейинин көргөзмөсү Бишкекте
Өтүүчү жери: Кыргыз Республикасынын Мамлекеттик тарых музейи
Дареги: Бишкек ш., Ала-Тоо аянты
Телефон: 996 312 62-60-97